القائمة الرئيسية<<

محرك البحث<<

أقسام الاخبار<<

أهم الاخبار<<

إحصائيات<<

المتواجدون حالياً<<

موقع الشؤون الايزيدية » الأخبار » القسم الكوردي

نوژه‌نكرن وسه‌ر ژنو ئاڤه‌دانكرنا په‌رستگه‌ها پيرؤزا لالشىَ وچه‌ند سه‌رنج...
بواسطة: ezidi بتاريخ : الخميس 17-06-2010 03:56 مساء

نڤيسينا/ئيَزدييه‌كى دلسؤز وه‌كو ئه‌ز ئاگه‌هدار يان ژى سه‌رراستره‌ بيَژم (به‌هرا بتر ژ خه‌مخؤر وپووته‌پيَكه‌ريَن مژارا ئيَزدياتيىَ وهه‌ولدان بؤ به‌رب باشتركرنا ره‌وشا ئاڤه‌دانى ونوژه‌نكرنا په‌رستگه‌ه وجهيَن ئايينى ييَن ئيَزديان وپيَداچؤن وسه‌رراستكرنه‌كه‌ك دلسؤز وراستگؤيانه‌ د بابه‌تىَ ئؤلدار وزه‌لاميَن ئايينى ييَن سه‌روگه‌ها ل ڤان په‌رستگه‌ه وخاس وبابچاكان دده‌ن، كاروئه‌ركيَن سه‌ر مليَن وان فه‌ر ئه‌و ئه‌نجامبده‌ن وده‌سته‌به‌ركرنا ماف وداخوازيَن وان ييَن ره‌وا مينا كه‌سايه‌تى و ئؤلداريَن ئايينيَن دن ييَن ل هه‌ريَما كوردستانىَ دژين) وه‌كو ئه‌ز ئاگه‌هدار ديسان ڤان رؤژان ميديا وراگه‌هاندن ڤان جؤره‌ بابه‌تان وىَ باسدكه‌ن ودئارينن وه‌كو پيشىَ وانىَ هه‌ر جار كوهه‌ر هه‌يام هه‌يام دىَ دووباره‌ ئاماژىَ ب نوژه‌نكرن وئاڤه‌دانيا په‌رستگه‌ها پيرؤزا لالش دده‌ن، هه‌لبه‌ت پرؤژه‌كى هؤسا گرنگ وفه‌روه‌كو بابه‌تىَ ئاڤه‌دانكرن ونوژه‌نكرنا په‌رستگه‌ها پيرؤزا لالش وه‌كو هايژ من وه‌ره‌ ئه‌ڤه‌ بتره‌ ژ پازده‌ شازده‌ سالان تيَته‌ باسكرن، گه‌رم وگور دبت وپشتى ده‌مه‌كى دىَ بينين وه‌كو جاريَن به‌رى ديسا دىَ ساربت وئيَته‌ ژبيركرن، ل ڤان داوييان دووباره‌ بابه‌تىَ نوژه‌نكرن وئاڤه‌دانكرنا په‌رستگه‌ها پيرؤزا لالشىَ ب شيَواز وره‌نگه‌كى كو كه‌ڤناتى وپيرؤزيا وىَ بيَته‌ پاراستن، دوور ژ هه‌ر ده‌ستكارى وشيَواندنىَ، بؤ ڤىَ مه‌به‌ستىَ ژى وه‌كو ئه‌ز ئاگه‌هدار چه‌ند كؤميته‌ك هاتينه‌ دانان بؤ ب ريَڤه‌برنا ڤى پرؤژه‌ى وبؤ دانانا پلان وشيَوىَ په‌رستگه‌هىَ وڤه‌گه‌راندنا ره‌سه‌ناتيا وىَ ئه‌و ژى ب پشت به‌ستنىَ ب ژماره‌ك ويَنه‌ وديَكؤميَنت وزانياريان ييَن رؤژهه‌لاتناس وميَژوونڤيسىَ به‌ريتانى (هنرى لايارد) كو ل ناڤبه‌را ساليَن 1810-1814 ل ده‌ڤه‌را شيَخان وبؤ ده‌مه‌كى دريَژ ل په‌رستگه‌ها پيرؤزا لالش ژيانا خؤ بؤراندى، هه‌لبه‌ت كؤميتيَن سه‌رپه‌شتيار وجيَبه‌جيَكار دكارن مفا وسوودىَ ژ وان ديَكؤميَنت وويَنه‌ وزانياريان وه‌رگرن.. ل هيَره‌ ب راستى شانازييه‌ك پر مه‌زنه‌ بؤ سه‌كردايه‌تيا هه‌ريَما كوردستانىَ بؤ ڤىَ پيَنگاڤ وپووته‌پيَدانىَ بؤ جهيَن ئايينى ييَن كه‌ڤن وديَرين ييَن ئيَزديان ژبه‌ركو ئه‌ڤ ئاوردانه‌ وىَ چه‌ندىَ دسه‌لمينت كو ئيَزدياتى وه‌كو بير وباوه‌رىَ ديَرين وئايينىَ نه‌ته‌وا كورد ژ ده‌ستپيَكا ديرؤكا په‌يدابوونا ئاده‌ميزادى ل سه‌ر خاكا كوردستانىَ ول سه‌رانسه‌رى چه‌رخيَن بؤرين، بابه‌ته‌ك هؤسا گرنگ پيَتڤى بتر ليَكؤلين و پيَداچؤن وبير ورا ئالوگؤركرنىَ ويه‌ك هه‌لويَستيىَ نه‌ ژ ئاليىَ ته‌ڤايا ئؤلداروكه‌سايه‌تى ورؤشه‌نبيروهه‌موولايه‌نيَن ئيَزدى ييَن په‌يوه‌نديدارڤه‌ هه‌يه‌، ئيرؤ بتر ژكه‌س ولايه‌نه‌كى ليَدوان وراگه‌هاندنان ل ميديا يا كوردستانىَ دا دده‌ن و ئاماژىَ ب پلان وئه‌نجامدانا ڤى كارىَ وه‌ها پيرؤز دده‌ن كه‌چى مخابن نها هيچ  ئالى وكه‌سايه‌تى وجه راستيا مه‌سه‌لىَ وده‌نگوباسيَن پرؤژه‌ى نزانن.. كا فه‌رمانا جيَبه‌جيَكرنا ڤى پرؤژه‌ى ژ ئاليىَ دارايى ڤه‌ دستؤيىَ چ لايه‌ن دايه‌، يان نه‌خشه‌ وداتاييَن تايبه‌ت ب پرؤژه‌ى د چ قؤناغ دانه‌، مخابن به‌هرا بتر(نه‌ ده‌ره‌وه‌ هه‌كه‌ بيَژم ته‌ڤايا) وان ئالييان بىَ ئاگه‌هيا خؤ ده‌ردبرينن ودبيَژن ب راستى باس هه‌يه‌ به‌لىَ ب كرده‌وه‌ مه‌ هايژ چوو نينه‌...!؟. مايه‌ بيَژم هيڤيدارم ب راست ودورستى پلان هه‌بن بؤ ب جيئينان وجيَبه‌جيَكرنا ڤى پرؤژه‌ى هنجى زووه‌، ڤيَجارىَ وه‌كه‌ جاريَن دن ييَن ساليَن بؤرين بابه‌تىَ نوژه‌نكرن وئاڤاكرنا په‌رستگه‌ها پيرؤزا لالش نه‌ تنىَ ميديا وراگه‌هاندن به‌ وديسان پشتى ده‌مه‌كى بيَته‌ ژبيركرن، هنگىَ نه‌ گرنگه‌ هه‌كه‌ ئه‌ز يان هه‌ر ئيَزدييه‌كى دن ئى دلسؤز ئاگه‌هدار ژى نه‌به‌ ژبه‌ركو ده‌مىَ ئه‌م ب كرده‌وه‌ پيَنگاڤ وكاريَن تيمان ل سه‌ر كارى دبينن، كه‌سانيَن پسپؤر وسه‌رپه‌رشتيار دبينين هنگىَ دىَ زاڤ پىَ دلخوه‌ش بين، هه‌لبه‌ت وى ده‌مى ئيَدى نه‌حه‌ز ونه‌يار هه‌وو دكارن بيَژن " ديسا ل مه‌ كرنه‌ خشخشا ته‌راشىَ ....؟! ".

مرات القراءة: 875 - التعليقات: 0

المشاركة السابقة : المشاركة التالية