القائمة الرئيسية<<

محرك البحث<<

أقسام الاخبار<<

أهم الاخبار<<

إحصائيات<<

المتواجدون حالياً<<

موقع الشؤون الايزيدية » الأخبار » القسم الكوردي

دەروازە /جەوھەر کرمانج‌
بواسطة: ezidi بتاريخ : الجمعة 03-09-2010 08:54 مساء

دەروازە ‌ جەوھەر کرمانج‌ ھەموو دەروازەیەک، ھەر لەدەروازەی ماڵەوە تا دەروازەی شار و مەملەکەت، رەنگدانەوەی ناوەوەن، کە لەدەرگاو دەروازەی ماڵێک دەدەی چۆنێتی پێشوازی لێکردنت خەسڵەت و سیستمی ژیانی ئەو ماڵەت بۆ دەردەکەوێت، بەھەمانشێوەش دەروازەی شارێک کە لەئێستادا زاڵگەکان ئاوێنەی سیستمی ئیدارەی شارەکانن و چۆنێتی رەفتارو ھەڵسوکەوتی پۆلیس و ئاسایشی ئەو شوێنانە لەگەڵ ھاووڵاتان و تەنانەت کەسانی بیانیش وێنەیەکی جوان یاناشرین بەگوێرەی رەفتارەکان دەخەنەڕوو..  فڕۆکەخانەکانیش دەروازەیەکی گەورەترن و لەھەمانکاتیشدا ھەستیارترن، چونکە بەزۆری خەڵکانی بیانی لەوێوە سیمای وڵات دەبینن و لەوێش بیرۆکەیەک سەبارەت بەسیستمی حکومڕانی و یاسای ئەو وڵاتە و چۆنێتی حکومڕانی وەردەگرن... ئێمە لەھەرێمی کوردستاندا بەر لەوەی فڕۆکەخانەمان ھەبێت لەڕێگای وڵاتانی دەوروبەرەوە سەفەرمان دەکرد و لەبیرمانە چیان پێدەکردین، لەیەکێک لەو وڵاتانە بەھۆی کورد بوونمانەوە دەیان بیانوویان پێدەگرتین و جاری وا بووە لەسەر ناوەکانمان رەتیاندەکردینەوە، لەوڵاتێکی دیکەدا لەگەڵ دابەزیندا داوای دیاری و پارەیان لێدەکردین و ئەگەر نەماندابانێ دوو سێ سەعات رایاندەگرتین، ئێمەش لەناخەوە ھەزار قسەی ناشرینمان بەدەسەڵات و سیستمی ئەو وڵاتە دەوت، شکور ئێستا فڕۆکەخانەی خۆمان ھەیە و بەئاسانی سەفەردەکەین و خەڵکانی بیانیش دێنە وڵاتەکەمان، بەڵام بەداخەوە خەریکە ئەم پەتایە دەگاتە ئێرەش .. بۆ نموونە: نرخی بلیت بێ کۆنترۆڵە و ھەر کۆمپانیایە و بەئارەزووی خۆی بەرزی دەکاتەوە، جگە لەوەش خەڵک گللەیی ئەوە دەکەن کە زۆرجار بەبیانووی جۆراو جۆرەوە بلیتەکانیان دەسوتێنرێت و لەجیاتی ئەوان کەسانی تر سەردەکەون و بێ بلیت پارەیان لێوەردەگرن بەتایبەتیش لەھەولێر..! کە ئەمە کارێکی دزێوە و لەئێمە ناوەشێتەوە و ھەقوایە لایەنە بەرپرسەکان کۆنترۆڵی ئەو حاڵەتانە بکەن وانەکەن تێڕوانینێکی خراپ لەسەر ھەرێمەکەمان و دەسەڵاتەکەمان وەربگیرێت و با بەدڕەفتاریی وڵاتانی دەوروبەر لەخۆمان بەدوور بگرین.

مرات القراءة: 317 - التعليقات: 0

المشاركة السابقة : المشاركة التالية