القائمة الرئيسية<<

محرك البحث<<

أقسام الاخبار<<

أهم الاخبار<<

إحصائيات<<

المتواجدون حالياً<<

موقع الشؤون الايزيدية » الأخبار » القسم الكوردي

چل دەف یادی زیرەک دەکەنەوە
بواسطة: ezidi بتاريخ : السبت 04-09-2010 09:02 صباحا

چل دەف یادی زیرەک دەکەنەوە ‌ کوردستانی نوێ‌ بۆ بەرزڕاگرتنی یاد و بیرەوەری ھونەرمەندی نەمر حەسەن زیرەک، لەجەژنی رەمەزانی پیرۆزداو لەھۆڵی ئەندێشەی تاران گرووپی ھونەری چل دەف بەسەرپەرشتی فەرشید غەریبنەژاد کۆنسێرتێکی گۆرانی و میوزیکی کوردی رێکدەخات. لەو کۆنسێرتەدا ھەریەک لەھونەرمەندان رەزا پەدیدار بەئامێری نەی، سوھەیل سانئەحمەدی بە تار، شاپور جەعفەری بەپیانۆ، محەمەد رەزا ئەسغەری بەسەنتور، ئیسماعیل مەردالی بەباڵەبان، خدیوەر بەکەمانچە، فەرما غەریبنەژاد بەدەھۆڵ، لەگەڵ چەند دەفژەنێکی گروپەکەدا بەشداریدەکەن. لەکۆنسێرتەکەی گروپی ھونەری چل دەفدا، ژمارەیەک گۆرانی ھونەرمەندی کۆچکردوو حەسەن زیرەک بەمیوزیک و دابەشکردنی تازەوە دەوترێنەوە، لەوانە: نوری رووخسارت بەدەرخە، نەسیحەت بێ بۆ دڵداری. گروپی چل دەف؛ یەکێکە لەگروپە ھونەریەکان و ناوە ناوە بەڕێکخستنی ئاھەنگ و کۆنسێرت یادی ھونەرمەندە کۆچکردووەکانی کورد دەکاتەوە، جگە لەوەش یەکێک لەئامانجەکانی ئەو گروپە ناساندنی دەف–ە وەک ئامێرێکی رەسەنی کوردەواری، تائێستا چەندین کۆنسێرتی بۆ ژەنینی دەف لەناوخۆ و دەرەوەی ئێران رێکخستووە.

مرات القراءة: 170 - التعليقات: 0

المشاركة السابقة : المشاركة التالية